A xogadora do Balonmán Porriño, Estela Doiro, foi convocada para participar nunha concentración do equipo nacional de balonmán praia que se celebrará en Alcalá de Henares do 22 ao 26 de xuño.

A xogadora deberá incorporarse ao grupo o día 22, ás 14:00 horas, na localidade madrileña (Residencia Giner de los Ríos) e alí terá sesións de adestramento (mañá e tarde) ata o remate da concentración.