A selección galega cadete masculina acadou a medalla de prata no campionato de España de seleccións Territoriais que se disputou durante toda a semana en San Javier (Murcia). O equipo galego xogou hoxe a final contra Catalunya pero non puido superar aos cataláns que foron claramente superiores (27-39).

 

O equipo infantil feminino tivo que conformarse coa cuarta posición, ao perder fronte a Navarra na loita polo bronce.

Na categoría infantil masculina, Galicia caeu por un gol de diferenza (25-26) despois de que chegaran empatados no marcador ao final do partido (22-22). Desta forma, Galicia ocupou a sexta posición.