Cara e cruz para Galicia na primeira xornada do Campionato de España Xuvenil de Seleccións Territoriais, que se está a disputar dende hoxe en Granada. Gañou o equipo masculino a Castela a Mancha (22-20), mentres que o feminino foi derrotado por Castela e León (23-25).

Continuará o campionato mañá día 4 de xaneiro, nunha importante xornada para os nosos. O equipo xuvenil masculino enfrontarase a Castela e León (11:15 horas), equipo que tamén gañou na xornada inaugural.

Pola súa banda, o equipo feminino terá un complicado encontro fronte a Catalunya (11:15), que hoxe superou a Madrid por tres goles de diferenza (26-29).

 

http://www.balonmano2012.com